Bigg Boss Marathi: ‘मालवणी ही मराठी भाषा नाही’ कोणी केला असा दावा ?

‘बिग बॉस मराठी’ (Bigg Boss Marathi) च्या तिसऱ्या आठवड्यात घरात बाहुलीसारख्या बाळांचे आगमन झाले आहे. या बाळांना सेवा देण्यासाठी ‘बिग बॉस’ने घरात दोन गट पाडले आहेत. टीममध्ये अरबाज, जान्हवी, निक्की, घन:श्याम यांचा समावेश आहे. तर दुसऱ्या संघात अंकिता, अभिजीत, वर्षा, निखिल, पंढरीनाथ हे सदस्य आहेत. वैभव आणि आर्या हे या टास्कचे डायरेक्टर आहेत. टास्क सुरू होण्यापूर्वी ‘बिग बॉस’ने स्पर्धकांना काही नियम सांगितले होते. बाळाला तो नेहमी आपल्या मिठीत ठेवणे , तो मिठीत असताना त्याला शांत न बसता विविध गोष्टी सांगत राहणे. याशिवाय त्या बाळाशी फक्त मराठी भाषेतच संवाद साधायचे. टास्कदरम्यान अंकिताने बाळाशी मालवणी भाषेत संवाद साधला. यानंतर लगेच तिने वैभवला विचारले, “मालवणी भाषेत बोलता येईल का?” असंही विचारलं. पण, वैभवने नियम मोडल्याचे कारण सांगत अंकिताच्या टीमचे बीबी चलन कापले. एवढेच नाही तर अरबाज आणि वैभव यांनी ‘मालवणी ही मराठी भाषा नाही’ असा अजब दावा केला आहे.

अरबाज आणि वैभवच्या मालवणी भाषेतील वक्तव्यावर अनेकांनी हळहळ व्यक्त केली आहे. सोशल मीडियावर नेटिझन्सनी याविरोधात संतप्त प्रतिक्रिया दिल्या आहेत. मराठी अभिनेता अभिजित केळकरनेही यावर आपलं मत व्यक्त केलं आहे. अभिजित केळकर म्हणतात, “हे लोक कोण आहेत आणि नेमके कोणत्या राज्यातील आहेत? हे लोक खरे स्थलांतरित आहेत ज्यांना मालवणी भाषा, मराठी भाषा वाटत नाही… ते जी भाषा मराठी म्हणून बोलतात, ती भाषा आपण मराठी म्हणून वापरतो… , व्हय महाराजा!” अशी पोस्ट शेअर करत अभिनेत्याने मालवणी भाषेत शेवटच्या ओळी लिहिल्या.